Bharat Maa Ke Teen Stambh
Bharat maa ke in stambhon ko shat shat mera pranam hai
Ek jawan ek kisaan aur ek vigyaan hai.
Bharat maa ke vagyaniko ka kya kehna….
Ye hai hamari matribhumi ka anmol gehna
Aaj inki hi badolat udta mangalyaan hai
America cheen aur japan bhi hairan hai
Bharat maa ke in stambhon ko shat shat mera pranam hai
Ek jawan ek kisaan aur ek vigyaan hai
Bharat maa ke veer jawano ka kya kehna
Balidani amar ye mahaan, maut hai inka gehna
Cheer de dushman ko jahan shamsheer ki tankaar hai
Mastako ke jhund lage hai, dushman mein hahakaar hai.
Bharat maa ke in stambhon ko shat shat mera pranam hai…
Ek jawan ek kisaan aur ek vigyaan hai
Bharat maa ke haldhar,bhumidhar kisaan ka kya kehna
Anndata ye hain hamare dharti hai inka gehna
Sona ugle meri dharti kalpvriksho ki aayi bahar hai
Motiyon si fasal khadi hai,Saavan sadabahar hai
Bharat maa ke in stambhon ko shat shat mera pranam hai
Ek jawan ek kisaan aur ek vigyaan hai
Bharat maa ke in dharmon ka kya kehna
Mandir, masjid girijaghar dharm hai inka gehna
Mandiro ki aarti se ras rachate radha shyam hai
Allah hu ki hukarein hai, pakeezah subah ki azan hai
Bharat maa ke in stambhon ko shat shat mera pranam hai
Ek jawan ek kisaan aur ek vigyaan hai
Aao aaj hum pran lein apni devbhumi ko swarg tulya banayenge
Swach bharat abhiyaan ko hum safal karke dikhayenge
Koi bacha bhukha na rahe koi nirbhaya yu na mare
Is arsh se us amber tak chahuh ore tiranga hi fehre
Bharat maa ke in stambhon ko shat shat mera pranam hai
Ek jawan ek kisaan aur ek vigyaan hai
Mamta
All rights Reserved
nice
Thanks Sridharji
🇮🇳